सप्तरीमा आत्महत्याबाट दुई महिलाको मृत्यु

सप्तरी, २९ असोज । सप्तरीमा एकै दिन दुई महिलाले आत्महत्या गरेका छन् । आत्महत्या गर्नेमा कोलाडि बरसाईन गाविस ४ की ३५ बर्षीया कागती देवी खंग रहेको प्रहरीले जनाएको छ ।

खंगले घरमा कोही नभएको बेला पासो लगाएर आत्महत्या गरेको जिल्ला प्रहरी कार्यालय सप्तरीले जनाएको छ । यस्तै सप्तरीकै कंचरुप नगरपालिका १० मा एक महिलाले बिषादी सेवन गरेर आत्महत्या गरेकी छिन् । आत्महत्या गर्नेमा स्थानिय मोहम्द हुसेनकी २७ बर्षीया रुमति सकिना खातुन रहेको इलाका प्रहरी कार्यालयले जनाएको छ ।

दुवै शवलाई स्वास्थ्य परिक्षणको लागि राजविराजस्थित गजेन्द्र नारायण सिँह सगरमाथा अञ्चल अस्पतालमा राखिएको प्रहरीले जनाएको छ । के कारणले आत्महत्या गरेको खुल्न नसकेको र घटना बारे अनुसन्धान भइरहेको प्रहरीले जनाएको छ ।